Датум: 19.05.2012
Притиснете: Модели » Tiguan » Истакнуваме » Секојдневен метеж
Возењето е динамично доживување. Оттаму, важен аспект при концепцијата на каросеријата е аеродинамиката: колку е таа подобра, толку се помали не само потрошувачката на гориво, туку и создавањето на шумови при возењето. Почувствувајте го тоа со новиот Tiguan.
Надолжно поместливата и асиметрично склопливата задна клупа овозможува многу простор за спонтани планови, како и за транспорт на долги парчиња багаж. Комбинирано со мобилниот под за товарање, добивате значителен товарен волумен од најмногу 1.510 литри.
Има многу факти, кои што одат во прилог на новиот Tiguan. Притоа, особено се истакнува можноста за транспорт, за кој што е потребна приколка. Со новиот Tiguan тоа не е проблем! Тој може, без никакви проблеми, да влече до 2,5 тони, зависно од комбинацијата на моторот и менувачот. Заедно со стабилизацијата на композицијата, која што се активира со опционалната спојка за приколка, и возилото и приколката цврсто стојат на патот, притоа секогаш движејќи се безбедно.
Изборната опрема "Vienna" е произведена од елегантна и особено робустна кожа на средишните и страничните делови на седиштата. Покрај спортските седишта што може да се загреваат, таа опфаќа и трокрак управувач од кожа и овозможува чувство на елеганција во внатрешниот простор. Заради практичност, има масички на расклопување и прегради на задните страни на предните седишта. Сосема комфорно можат електрично да се постават надолжната позиција, висината на седиштата, накосеноста на седиштата и потпирачите и потпирачот за рбетниот столб на возачкото седиште. Потпирачите за глава напред можат да се постават по должина и по висина.