Датум: 19.05.2012
Притиснете: Модели » Tiguan » Истакнуваме » Дизајн
Се разбира, новиот Tiguan е убедлив на патиштата. Но, дури на отворен терен, "Track & Field" и "Track & Style" на Tiguan покажуваат што навистина тој може. Благодарение на специјалната Offroad предница, без проблеми се совладуваат големи агли на накосеност – што значи заштитата на подвозјето е многу повеќе од дизајнерски детаљ.
Новиот Tiguan, со "Trend & Fun", "Sport & Style" и "Sky" плени со особено динамични и комфорни возни перформанси во градот, на регионални патишта и или автопати. Кон тоа придонесуваат, на пример, опционалниот уред за регулирање на подвозјето DCC и новите системи за помош на возачот, кои што значително ја намалуваат оптовареноста на возачот. Многубројните мерки за ефикасно возење ја зголемуваат возбудата при возењето.
Новиот Tiguan веднаш примамува погледи – исто и одзади. Така на пример, веднаш се забележуваат маркантно формираните задни светла.
За новиот Tiguan, добивате атрактивни тркала од лесен метал, сериски или изборно, во различни димензии, зависно од варијантата на опремата. Доколку "Sport & Style", "Sky" или "Track & Style" е Ваш фаворит, Вашиот нов Tiguan вози и на 17 инчни фелни "Philadelphia" со 235/55 R 17 гуми. Освен тоа, можете да изберете помеѓу мноштво други фелни од лесен метал, во зависност од тоа дали претпочитате спортски, елегантен или екстравагантен стил.
Повеќе светло, повеќе воздух, повеќе задоволство при возењето. Сериска опрема во посебниот модел "Sky" и инаку опционалниот електричен панорама лизгачки покрив на внатрешниот простор на новиот Tiguan му дава просторност, слична на кабрио. Тоа има посебна причина: Неговата стаклена површина, трипати поголема од обичните лизгачки покриви овозможува оптимален влез на дневна светлина. Со него, можете на површина од 710 x 590 mm да уживате во отвореното небо над Вас. А, доколку Ви е премногу од сонцето, интелигентната електрична ролетна обезбедува идеална заштита од светло и топлина.
Поголема торзиска цврстина, помалку шумови при возењето, висококвалитетни материјали и ергономски дизајнерски концепт. Новиот Tiguan убедува со извонредниот квалитет.
Без разлика дали на патишта или на отворен терен, новиот Tiguan несомнено е Volkswagen. Неговата маркантна, спортска предница е дизајнирана со новото лице на Volkswagen, со елегантни апликации од хром на ламелите и рамките на решетката за ладење. Браниците се во бојата на возилото, а долните делови на браниците и праговите во црна.