Датум: 19.05.2012
Притиснете: Модели » Tiguan » Истакнуваме » Системи за помош
Tiguan "Sport & Style" и "Track & Style" се сериски опремени со систем за препознавање на замор. Штом се регистрираат потези при управувањето, различни од оние на сконцентриран возач, се огласува предупредувачки тон. Дополнително се појавува индикатор на инструментната табла, кој што Ви препорачува пауза.
Долги патеки, силен дожд, магла, темнина – има толку многу фактори, кои што силно ја оптоваруваат концентрацијата при возењето, па возачот по некое време станува невнимателен. Изборниот систем за помош при одржување на коловозна лента "Lane Assist" предупредува пред напуштањето на коловозната лента и интервенира со коригирачки маневар. И, тоа го прави и при магла или темнина.
Опционалните Bi-Xenon фарови со динамично и статично светло за кривини ги следат движењата на управувачот. Тоа ја оптимира осветленоста на автопатот во кривини и при свртување. Новото, интегрирано LED светло за дневно возење обезбедува поголема прегледност на возилото преку ден.
Опционалниот систем за помош при долго светло "Dynamic Light Assist" обезбедува добро осветлување на патот со цел уште поголема безбедност во сообраќајот. Можете постојано да возите со долго светло, без да ги заслепувате возилата отспротива. Со функција на маскирање, фаровите за долго светло автоматски делумно се придушуваат. Целото осветлување со долгото светло на тој начин значително се подобрува. Во градскиот сообраќај, модот на градско светло овозможува комфорно осветлување, коа што е идеално приспособено на карактеристиките на градскиот сообраќај.
Опционалниот систем за помош во управување при паркирање "Park Assist" препознава и попречни и надолжни паркинг места (должина на возилото + 80 cm) и управува во истите безмалку самостојно. Тоа значи: Вие управувате само уште со куплунгот, гасот и сопирачките. Останатото го презема системот за помош во управување при паркирање "Park Assist".
Спортски, комфорно, нормално – како и да сакате да возите: изборниот систем за регулирање на подвозјето DCC реагира на Вашите желби. Со него можете да изберете помеѓу три поставувања на подвозјето. Само со притиснување на копче, автоматски се приспособува електрично регулираната амортизација, исто како и електромеханичкиот серво управувач. Притоа, DCC постојано реагира на различите возни ситуации, ги зема предвид маневрите на сопирање,вртење и забрзување и овозможува значително подобрување на возните перформанси.