Извор на инспирацијата: оној кој толку многу инвестира страст, рачна изработка и прецизност во еден автомобил заслужува посебно опкружување. Она кое во исто мера приземјува и инспирира – и кое ја прави видлива љубовта кон деталите.

Онаму каде традицијата ја оживува иднината.

Вкоренето во долгогодишната мануфактурна традиција, Стаклената фабрика на Дрезден претставува збогатување на Дрезден и се вбројува во творечкото и културно наследство на градот. Во градот, во кој настана првиот бел порцелан во Европа, беше развиена првата германска локомотива и првиот фотоапарат со рефлексно огледало во светот. Тука сега настануваат автомобили, кои се обврзани на највисоките стандарди: на материјал, обработка, технологија и стил. Истовремено Стаклената фабрика основа нова автомобилска култура: фасцинантното производство на автомобил е видливо и се доживува.

Онаму каде идејата и архитектурата се претопуваат.

Настанато со скицата на Проф. Др. Гунтер Хен, Стаклената фабрика се наоѓа на големо зелено пространство. Нејзиниот амблем, стаклениот автомобилски врв, потсетува на автомобилски цилиндар. Готовите возила се сместени на дваесет нивоа, се додека не дојдат во рацете на нивните сопственици. Архитектонскиот концепт на фабриката воодушевува со јасни, линеарни форми во областа на производството и изненадува со округли, органски форми во посетителскот форум. Веќе стаклената фасада обезбедува транспарентност и јасност и служи како метафора за искреност, со која Volkswagen ги дочекува сите посетители.

Онаму каде вредностите се живеат

Стаклените ѕидови, подовите дизајнирани во канадски горски јавор: целосно во бела боја и обложено со ракавици, монтерите сконцетрирано ги нанесуваат фините делови во возилата, кои на транспортен систем без возач безшумно лизгаат преку паркетот. Производствениот процес скоро наликува на стилска кореографија. Исто така и типичните мириси и вреви не и пречат на фабричката хала. Наместо тоа тука ќе најдете мир, јасност и чистота. Тие овозможуваат простор за најважниот елемент на Phaeton, кој се склопува не рачно туку исклучиво со срце: љубов кон детаљот.

Онаму каде транспарентноста обезбедува сосема нови впечатоци.

Во Стаклената фабрика Ви овозможуваме фасцинантен увид во производството на луксузната класа на Volkswagen. Бидејќи посетителскиот форум не е наменет само за нашите клиенти, туку е отворен за сите, кои се интересираат за модерната автомобилска индустрија или за модерната архитектура. Со сите сетила бидете сведок за настанувањето на Phaeton. Почувствувајте ги со рака висококвалитетните детали од опремата како неговата избрана кожа и дрвениот декор и преку интерактивниот видео терминал доживејте ги производствените чекори. Покрај тоа, разновидните културни установи Ве намамуваат на првата посета. И на многу други.