Датум: 05.02.2012
Притиснете: Модели » Passat CC » Истакнуваме » Дизајн
Прогресивна лимузина со четири врати, која со својот профил прикажува нагласен спортско-елегантен настап, воодушевува во внатрешноста со комфорот на полновреден четворосед, додека однадвор ја задржува типичната динамична изведба на линиите на едно coupé. Предностите на овој crossover концепт се неоспорни: не морате да се одрекувате ни од широкоградната удобност ниту од спортско-елегантниот дизајн.
Четири врати без рамки му подаруваат на новиот Passat CC посебно елегантен изглед. За coupé возилата типичната изведба на линиите не само што изгледа динамично, туку има и битна предност: не му остава на ветерот простор за напад. Под прозорецот се протега мускулеста и изразена линија на рамења во стилот на маркантен дизајнерски елемент - торнадо - линија.
Дополнителниот голем електричен панорамски подвижен кров се грижи за комфорна светлосна атмосфера и го отвора погледот кон небото. Го прекрива комплетно предниот дел се до B-столбовите и со тоа елегантно се претопува со линиите на кровот, и притоа може да се подигне до три сантиметри.
Сите детали во внатрешноста елегантно се прилагодени. Како везивен елемент се користат благородните декоративни додатоци во Titan сребрена боја или дополнителните апликации од алуминиум. Понатаму можете да одберете врвни декоративни елементи од вистинско дрво, на пр. „Корен од орев“ и „Vavona“, кои посебно се истакнуваат при комфорно амбиентално осветлување.
Што поудобни седишта, толку покомфорно возење. За спортските седишта (дополнително достапни со електрично подесување со 12 нивоа) развиена е посебна функционалност на климата: навлаките кои пропуштаат воздух и можност за подесување по ниво ви ветуваат максимален комфор при седењето. Новиот Passat CC ви нуди можности за меморирање на лични подесувања за седиштата, ретровизорите и уредот за управување до максимално три лица.
Благородната внатрешност на Passat CC е обележана од врвните материјали, благородната Alcantara или кожата „Nappa“ кои во централниот дел од седиштата, внатрешните страни и површината на централниот потпирач ви даваат слика за врвен квалитет.
Новиот Passat CC ве изненадува со екстравагантните дизајнерски детали, кои се воедно убави и корисни: сериското амбиентално осветлување од Ambient пакетот ви дава комфорна и моќна светлина во внатрешноста на ентериерот, од која возачот многу профитира. Благодарејќи на светлоста која никогаш не заслепува, можно е секогаш да ги пронајдете и беспрекорно да ги користите важните функции во внатрешноста. Така и светлината станува комфор.
Алуминиумските фелни го нагласуваат дизајнот со својот визуелен настап. Динамичниот дизајн на дополнителните алуминиумски фелни „Interlagos“ делува навистина рафинирано: ја повикуваат светлината да се игра на сјајните површини. Во зависност од материјалот, уделот на спортските фелни може да се разликува: алуминиумските фелни (8 J x 18, пневматици 235/40 R 18) ви се на располагање во „Sterling“ сребрена боја или со висок сјај.