Датум: 19.05.2012
Притиснете: Модели » Sharan » Варијанти на модели » Trendline
Колку ретко забележуваните детали придонесуваат за удобноста при возењето, одлично се забележува кај стаклата на новиот Sharan: Со намалување на шумовите и до 5 децибели, акустички изолационото ветробранско стакло значително придонесува за севкупно ниското ниво на шумови во кабината за време на возењето. А термоизолационите стакла забележително го намалуваат загревањето на кабината од сончевите зраци.
Новиот Sharan Trendline во вториот ред има три одделни седишта, кои се поединечно прилагодливи. Обложени се во ткаенина со дезен "Move", која ја дополнува секоја авантура. А кога е потребен поголем багажен простор, седиштата во вториот ред со помош на функцијата „EasyFold“ со еден потег се преклопуваат во голема рамна товарна површина.
Во поглед на безбедноста Sharan Trendline не прави компромиси. Предните и страничните воздушни перници напред, како и воздушните завеси напред и назад нудат многу високо ниво на пасивна безбедност. На возачката страна дополнително се наоѓа воздушно перниче за колената на возачот. Кај активната безбедност поентира електронската програма за стабилизација со подршка за контрауправување. Опфаќа ABS со помош при сопирање, ASR, EDS, MSR и присилена стабилизација. Останатите опции за безбедност, на пример: контролата на притисок во пневматиците, го заокружуваат безбедносниот концепт.
Со клима уредот "Climatic" се обезбедува пријатна температура за сите патници на новиот Sharan. А за забавата на патниците се грижи радио системот "RCD 310" со CD-MP3 читач. Со осум звучници и чист звук задоволни ќе бидат сите патници – сеедно дали седат напред или назад.
Со системот Старт-Стоп, секогаш кога ќе запрете заштедувате гориво. Во колона или на раскрсница, едноставно исфрлете од брзина (одн. притиснете на сопирачката кај менувачот со двојна спојка DSG) – и моторот веќе се исклучува до следното притискање на спојката (или ослободување на ножната сопирачка). Системот Старт-Стоп и останатите BlueMotion технологии задолжени за штедливо возење, кај новиот Sharan Trendline се достапни во серија.