Датум: 19.05.2012
Притиснете: Модели » Sharan » Истакнуваме » Дизајн
Големината не ја исклучува елеганцијата - напротив. Новиот Sharan потврдува.
Дизајнот напред на новиот Sharan делува агилно и динамично: Текот на линиите е под доминација од предните светла. Посебен карактер даваат хоризонталните ламели со хромирани лајсни и долната решетка. Магленките се смирено нагласени со хромираните декорации.
Функционалниот и динамичен дизајн на каросеријата создава јасни форми. Со минимум линии се постугнува максимум возбуда. Еелегантното движење на линиите и практичните лизгачки врати – по желба електрично управувани – овозможуваат да се препознае изобилството на простор кај Sharan. Хромираните лајсни на страничните прозорци (од Comfortline) ги нагласуваат ивиците. Опционалните дополнително затемнети стакла назад дејствуваат двојно: Нивното термоизолационо стакло го намалува осветлувањето до 65 % и на тој начин спречува загревање на внатрешноста.
И од назад Sharan зрачи со динамика и великодушност. Вратата на багажникот совршено се вклопува во модерните линии. По желба се отвора и затвора со притискање на копче. Еден од највпечатливите елементи на дизајнот на новиот Sharan се големите задни светла. Нивната триаголна форма го прави Sharan незаменлив и дење и ноќе.
Со импозантната големина од 1.1 m 2, опционалниот сончев покрив ја заслужува сета почит. Во внатрешноста обезбедува светла, пријатна атмосфера и истовремено обезбедува поглед кон небото. Плафонот со еден потег се повлекува назад. Тонираното стакло и електричната завеса нудат ефективна заштита од сонце.
Во новиот Sharan веднаш се чувствувате добро. Тоа се должи на совршено обработените материјали, кои не само што изгледаат добро, туку и добро се чувствуваат: обложувањето на седиштата во ткаенина, кожа или алкантара, на пример, или елегантните декоративни уметоци. За пријатното чувство придонесува и интуитивното удобно сместување и снаоѓање. Исто како дома .