Датум: 19.05.2012
Притиснете: Модели » Passat » Passat Variant » Истакнуваме » Дизајн
Полн со стил, со прави линии и современ, новиот Passat Variant се претставува во единствен и незаменлив дизајн на Volkswagen. Хоризонталното протегање на линиите на маската на ладилникот е истакнато со елегантно хромирани ламели и на маркантниот преден дел му дава самоуверена елеганција. Силно моделираниот заден дел формира впечатлива завршница.
Средената, јасна и беспрекорна – дискретно елегантна внатрешност на новиот Passat Variant нуди рамка, во која можете да се искажете. Квалитетни материјали со извонредна завршна обработка и јасно обликувани инструменти внесуваат атмосфера, која притоа Ви ја нуди сета слобода.
Опционално достапниот амбиентален пакет ефектно го истакнува квалитетниот карактер на внатрешноста во новиот Passat Variant. Светлосните линии во декорот на вратите не заслепуваат и во темнина создаваат една посебна атмосфера. Освен тоа, двете светла во предниот простор за нозете придонесуваат за полесна ориентација во возилото ноќе. На тој начин, како и светлата за ориентација при влегување во возилото така и предупредувачките светла во сите врати, влеваат дополнително чувство на сигурност.
Карактерот на новиот Passat Variant се изразува и во различните декоративни облоги. Инструментната табла, вратите и средишната конзола од линијата на опрема Trendline се сериски обликувани во матиран хром; за варијантата Comfortline создаден е новиот декор "Iridium printed". Одлучете се кај варијантата Highline за внатрешна опрема во боја "Desert Beige", а особено елегантна нота на Вашиот Passat му дава благородното дрво „корен од орев“ за инструментната табла и вратите, како и исчеткан алуминиум за средишната конзола. Внатрешните опреми во другите бои се комбинираат со исчеткан алуминиум. Освен тоа, како избор го имате и благородното дрво „ зебрано“ (погледнете слика) – со сосема тенки линии во дискретно нијансирани кафени тонови.
Добар дизајн го истакнува карактерот на она за што е создаден. Затоа, за новиот Passat Variant нудиме цела палета од најразлични фелни од лесен метал: на пример фелната од лесен метал "Perugia" 7 J x 16, која припаѓа на сериската опрема Comfortline. Или фелната од лесен метал "Michigan" 7 1/2 J x 17 – сериски фелни за опремата Highline. Освен тоа, можете на пример да се одлучите и за опционалната фелна од лесен метал "Kansas" 8 J x 18. Онака, како што одговара на Вашиот тип. На сликата е прикажана опционалната фелна од лесен метал "Alicante" 7 J x 16.
Панорама-лизгачкиот/издигнувачки покрив, кој е достапен по желба за моделот Passat Variant има електрични команди и нуди многу повеќе од стандардниот лизгачки покрив: неговата површина е скоро три пати поголема, така што патниците имаат чувство, како да седат во кабриолет. Дури и кога покривот е затворен, светлината оптимално продира во внатрешноста и овозможува прекрасен поглед кон ѕвезденото небо.