Датум: 19.05.2012
Притиснете: Модели » Jetta » Истакнуваме » Удобност
Од елегантните спортски седишта со кожа "Vienna" нема да сакате да станете. За совршена удобност се грижат загреваните предни седишта и електрично прилагодливата лумбарна поддршка. Освен седиштата, опционално со скапоцениот материјал можат да бидат обложени и 3-кракиот волан, рачката на менувачот и рачната сопирачка. На тој начин при секое патување можете да уживате во неспоредливото чувство на ексклузивна опременост.
Новата Jetta Ве пречекува со натпросечна понуда на простор: и тоа од возачката позиција до крајот на возилото. Патниците напред и назад ќе се одушеват од големиот простор за колена. Во случај на повеќе багаж, до израз доаѓа багажникот со волумен од 510 l. А доколку треба да транспортирате уште повеќе товар, наслонот на задната клупа може да се преклопи, овозможувајќи сместување на долги предмети.
Новата Jetta се’ уште не може целосно да се откаже од копчињата, но на добар пат е: Благодарение на системот за пристап без клуч "Keyless Access", доволно е клучот да го носите в џеб. Штом ќе се најдете во опсег од околу 1,5 метри од Вашето возило, кога ќе посегнете по рачката на вратата или се обидете да го отворите багажникот, тие веќе ќе бидат отклучени - моторот е подеднакво лесен за стартување, додека клучот удобно е сместен во вашиот џеб: Потребно е едноставно притискање на копчето за старт.
Да се има студена глава или не? Со системот за климатизација "Climatronic" (достапен без доплата), преминот во умерени климатски зони е на само притиснување на копче од Вас. Температурата контролирана по електронски пат, при што подесувањето е одделно за секоја страна на возилото. Додека Вие се концентрирате на возењето, квалитетот на воздухот надвор е следен од сензор кој по потреба автоматски префрлува во режим на рециркулација.