Системите за електронска безбедност и помош при возење коишто спречуваат несреќи и сериозни повреди сега се инкорпорирани во методите на евалуација. Golf нуди максимална безбедност со стандардните безбедносни опции коишто вклучуваат ESP, ABS, ASR, EDS, MSR, стабилизација на кабината, Isofix механизам за детски седишта за задната клупа како и воздушни перничиња за возачот и совозачот на предните седишта, со можност за деактивирање на страничните воздушни перничиња, а вклучува и воздушни перничиња на колената на возачот, систем со воздушни перничиња што ја штитат главата на патниците на предните и задните седишта.

Golf не ги исполнува само Европските стандарди за безбедност. Во 2008 година, ја освои престижната награда “Top Safety Pick” – којашто ја доделува независниот институт за безбедност на САД “Insurance Institute for Highway Safety (IIHS)”. Во оваа евалуација, возилата беа тестирани фронтално при брзина од 40 милји на час (64 километри на час) и странично при брзина од 31 милја на час (50 километри на час) со подвижна бариера во форма на SUV. Оваа евалуација вклучуваше и краш тест на задниот дел.