Eco-up! – за возење на природен гас. Оваа верзија на up! поставува нови стандарди во емисијата на штетни гасови, само 79 g/km благодарение на природниот гас и BlueMotion технологијата.

Buggy-up! - специјализиран за светските плажи: Buggy е повеќе од автомобил. Роден е во Калифорнија во шеесеттите години од минатиот век. Направен на основа на буба, а од тој автомобил го има позајмено моторот и каросеријата. Сето останато беше направено од американецот Брус Маерс.

up! Azzurra тим за едрење. Овој модел беше дизајниран од италијанските дизајнери Џуџето Џуџаро и Валтер Де Силва. Името доаѓа од клубот за јахти Коста Смералда.

Cross up! - идеален за урбано возење . Овој концепт многу јасно покажува три аспекти 1. како ќе изгледа up! со четири врати. 2. Како up! со четири врати ќе изгледа во cross up! варијанта. 3. Volkswagen ќе ја прошири успешната програма cross и на други модели.

GT up! - наменет за автопат: up! стандардно се нуди со мотори кои имаат 55 KW / 75 PS. Основната варијанта има смисла, бидејќи up! најчесто се вози во урбани средини. Но автомобилот е дизајниран да се справи и со многу повеќе сила која ја произведуваат помоќни мотори. Тоа покажува колку моќен може да биде up! со 100 KS во високо динамичната GT варијанта.

Volkswagen претстави повеќе нови производи, како и Lifestyle модели кои се секогаш во центарот на вниманието, автомобилите како Beetle R концептот и комплетно надградениот модел Beetle Fender. Нудејќи поглед за утрешнината на светот преку NILS електричните возила, Volkswagen во халата 3 на саемот во Франкфурт изложи автомобили од сите класи кои создаваат еден фасцинантен спектар на современата и идната мобилност.