Испораките на брендот Volkswagen патнички возила пораснаа во периодот од јануари до август, достигнувајќи ја бројката од 3,34 милиони возила што претставува зголемување од 12,1отсто во споредба со истиот период минатата година. Во месец август брендот испорача 389 500 возила (9,5% повеќе од испораките во август 2010 година).

“Брендот Volkswagen патнички возила продолжува да бележи позитивен резултат. За прв пат доставивме повеќе од 3 милиони возила. Сепак, будно го следиме развојот на светскиот автомобилски пазар, “ изјави Christian Klingler член на управниот одбор за продажба и маркетинг на Volkswagen Group и Volkswagen патнички возила.

Во Европа беа испорачани 1,13 милиони модели до клиентите од страна на Volkswagen патнички возила. Брендот објави пораст за 45,2 отсто во Централна и Источна Европа каде беа испорачани 130 200 возила. Два пати се зголемија испораките во Русија достигнувајќи бројка 66 900 возила, што претставува зголемување од 104 отсто во споредба со минатата година. Во западна Европа (освен во Германија), Volkswagen патнички возила забележа пораст од 3,7 отсто и испорача 606 200 автомобили. На својот домашен пазар брендот достави 394 700 нови возила, што е за 9 отсто повеќе од минатата година.